O vindeiro sábado 18 de outubro a Asociación Cultural Quinta do Piñeiro vai celebrar unha nova edición da Festa da Esfollada do millo na Área Recreativa Muíño da Ponte, en Corzáns, en Salvaterra de Miño.

Será unha xornada cargada de actividades, comezando a partir das 16:30 horas coa recolleita e a esfollada do millo popular ademais da animación infantil a cargo de Barafunda.

Todo acompañado da música do grupo Sons da Raia. Ademais, ao igual que en anteriores edicións haberá venda chouripáns e rematará o día cun magosto con castañas gratis para todos os asistentes.

Dende a Asociación, invitan a todas as persoas a pasar un sábado de troula e tradición con eles e recordan que a lotería de nadal xa está a venda.