A Biblioteca Municipal está situada na antiga Casa Consistorial, na Praza do Castelo, nº1. Dende o inicio da súa actividade os seus fondos foron ampliándose de xeito paulatino e con periodicidade regular para tratar de por a disposición dos usuarios  a  maior oferta bibliográfica posible e a mais actualizada. A biblioteca de Salvaterra, conscente da importancia de fomenta-la lectura dende idades temperáns, desenvolve unha actividade de animación á lectura, enfocada para para os máis cativos, que serán os futuros lectores da biblioteca e da sociedade.

A Biblioteca Municipal busca tamén acadar obxectivos específicos:

1- Espertar e promover nos nenos/as o hábito da lectura, facendo desta algo divertido e entretido, fomentando a imaxinación e a creatividade.

2- Escoitar a lectura dun conto con atención e comprender o que se está lendo.

3- Desenvolver a capacidade de expresión oral, a través da dramatización.

4- Utilizar a linguaxe oral e escrita como medio de expresión e comunicación.

5- Participar activamente nas actividades individuais e de grupo.

6- Facilitar o acceso ós libros autónomamente.

A Biblioteca Municipal ten a disposición dos lectores 5 ordenadores para poder facer as consultas necesarias, sempre e cando o usuario esté dado de alta no servizo “Rede de Bibliotecas de Galicia”. 

A Rede de Bibliotecas Públicas de Galicia é o conxunto organizado de bibliotecas e servizos bibliotecarios públicos de Galicia para o desenvolvemento e a planificación da oferta bibliotecaria pública, segundo o establecido na Lei 5/2012, do 15 de xuño, de bibliotecas de Galicia.
A dirección e coordinación da Rede de Bibliotecas Públicas de Galicia é responsabilidade da Xunta de Galicia, a través do Servizo do Sistema de Bibliotecas da Consellería de Cultura, Educación e Ordenación Universitaria

Aspiramos a ser un servizo con procesos áxiles e innovadores capaces de brindar servizos de calidade que se acomoden ás necesidades dos usuarios das bibliotecas públicas da nosa comunidade. 

Horarios:   mañá: luns a venres de 09:00 a 14:00 - sábados de 10:00 a 14:00

                  tarde: luns a venres de 16:00 a 20:00

Tlf de contacto: 637 10 83 43

e-mail: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.