Durante os meses de xullo e agosto serán case douscentos nenos e nenas os que participen no campus de conciliación. Este pasado luns 1 de xullo deu comezo o campus que durante o verán acollerá a preto de 200 nenos e nenas de Salvaterra de Miño. O campus organizado polo Concello de Salvaterra de Miño durante os meses de xullo e agosto, un ano máis realízase nas instalacións do CEIP Infante Felipe. Co remate do curso escolar moitas familias atópanse con grandes dificultades para conciliar a vida laboral e familiar. É por iso que o Concello de Salvaterra de Miño, como ven facendo durante xa varios anos, realiza dentro do seu programa de conciliación o Campus de Verán.