O pasado xoves 29 de abril de 2021 o C.R.A A Lagoa presentáballe á Alcaldesa de Salvaterra de Miño, Marta Valcárcel,  un anteproxecto para a restauración e mantemento das escolas infantís   tentando dar resposta ás novas situacións educativas, pensando sempre no beneficio do alumnado que acode ás mesmas.

Moitas destas escolas datan dos anos 60 polo que a necesidade de adaptación ós tempos actuais foi entendida como necesaria por parte do Concello.

Trátase dun proxecto, que se iniciará este curso e que con carácter gradual pretende abordar a totalidade das escolas que conforman o C.R.A  A Lagoa.

Neste proxecto contarase coa colaboración e implicación non só do Concello de Salvaterra senón tamén coa A.N.P.A Pequeniños e as distintas Asociacións Veciñais da zona.

A colaboración das familias, resulta fundamental para levar a cabo este proxecto que ten como obxectivo a contribución á mellora da escola pública. 

Por unha escola de todos/as e para todos/as.

ProxectoCRA A Lagoa