Música, inchables, diplomas e moita diversión para despedir o verán en Salvaterra de Miño.

Máis de 70 persoas se deron cita este verán nos cursos de natación que organizou o Concello de Salvaterra de Miño nas piscinas municipais nos meses de xullo e agosto. Dous meses de diversión e aprendizaxe a partes iguais, onde os nosos monitores traballaron con nenos e nenas a partir dos 4 anos ata adultos, sen límite de idade.  

Con este tipo de actividades en grupo búscase potenciar valores transversais como o é o compañeirismo, algo moi a ter en conta sobre todo na formación dos máis pequenos, ademais de facer exercicio e aprender a nadar.

Nos cursos clasifícanse os grupos por idades para que non existan grandes diferencias tanto na carga como na complexidade das tarefas.

O venres 30 de agosto, o Concello de Salvaterra ten previsto un acto de clausura no que os nenos e nenas e os maiores recibirán o seu diploma e gorro, ca cor que alcanzaron nas súas respectivas clases. Ademais durante a maña poderán desfrutar de xogos, música e inchables para despedir o verán xunto os seus monitores