GarderiaNos últimos 3 anos naceron no municipio 257 nenos.

O incremento da natalidade en Salvaterra de Miño fai necesario unha ampliación dá Gardería Infantil pertencente á Galiña Azul e que conta na actualidade con 63 prazas, así llo transmitiu a Tte de Alcalde, Marta Valcárcel, ao Xerente do Consorcio de Servizos de Igualdade e Benestar ,Don Perfecto Rodríguez, na súa última visita á Escola Infantil do municipio.

O Concello de Salvaterra remitirá o proxecto ao Consorcio de Igualdade para dotar de 2 novas aulas e remodelar o patio da gardería. A gardería está emprazada nunha zona de equipamentos educativos xunto ao colexio Infante Felipe, o IES e o pavillón Cándido Carrera.

“Queremos potenciar a Gardería para aumentar a cobertura de servizos e fomentar a conciliación das familias”, manifesta a primeira tenente de alcalde de Salvaterra, Marta Valcárcel.

Nos últimos 3 anos, naceron no municipio 257 nenos. “Salvaterra é un dos poucos municipios nos que crece a poboación. Moitas parellas escollen o noso Concello para vivir debido aos servizos e á calidade de vida que ofrece o noso municipio, incremento de poboación que se notou nos últimos anos”.

O Concello leva anos apostando por servizos e actividades para as familias con fillos pequenos, por exemplo os campamentos de conciliación que se organizan desde o Concello en Nadal, Semana Santa e no verán. Estes últimos, adianta Marta Valcárcel, van ampliarse en catro quincenas que darán cobertura aos meses de xullo e agosto.